Samarbeider:

Med storhavet som næraste nabo og det gamle fiskeværet like utanfor døra, har Østensen funne sitt ferieparadis. Midt i den vakre skjergarden på Bømlo har ein av gründerane av Skjærårdservice overteke bestefaren sitt gamle hus. Huset vart flytta dit i 1895. Det har vore ombygd og påbygd fleire gonger og for tida held han på med oppussing.

- Det er ekstra kjekt at Øystein har valt å behalda mykje av identiteten til huset. Golvet knirkar og er skeivt etter over hundre års bruk, det er lågt under taket og det plassbygde kjøkkenet skal leva vidare med nymåla frontar.

- På golvet har me til dømes fjerna fleire lag med belegg, og no skal det pussast ned og takast i bruk slik det opprinneleg var. Baderommet blir totalrenovert og utvida ein heil del. Her vil nytt og gammalt gå hand i hand, seier Kim Andre Aga, byggeleiar i Ing. Øyvind Jørgensen AS.

- Det gjer at me blir utfordra til å finna gode løysingar på korleis me kan bevara noko av det originale interiøret, samstundes som me pussar opp etter dagens standard.

Samtlege rom er berørt av oppussinga, der ulike fag som røyr og elektro er kopla på.

XL-BYGG Valvatne leverer varer av høg kvalitet til prosjektet: Alt frå verktøy og materiell til vindauge, måling og golv.

Håvard Mæland er proffsalsleiar i XL-BYGG Valvatne og har lang erfaring med små og store prosjekt rundt i heile regionen, både for privat- og bedriftsmarknaden.

- For oss er det viktig at kunden får kvalitet i alle ledd. Difor knyter me til oss bedrifter som me veit leverer både på responstid og kvalitet. Då Østensen kontakta oss for pris på rehabiliteringsprosjektet på Hiskjo, var det difor naturleg for oss å ta ein prat med Kim André og resten av teamet, seier han.

Ing. Øyvind Jørgensen AS har lang erfaring med ROT-oppdrag (rehabilitering, oppussing og tilbygg) i heile sunnhordlandsregionen, og har jobba tett saman med XL-BYGG Valvatne på fleire prosjekt.

- Slik me ser det, er dette ein vinn-vinn situasjon for alle partar. Me får totalleveranse av materiell til heile prosjektet og Ing. Øyvind Jørgensen AS får eit oppdrag. Kunden kan vera trygg på at han får dyktige handverkarar og rask tilbakemelding.

Responstida er viktig for både Mæland og Aga.

- Det er viktig for oss at me koplar på bedrifter som me veit har rask responstid og kan ta tak i førespurnaden nokså umiddelbart. Av erfaring veit me at rahbiliteringskundane helst ville hatt jobben gjort "i går". I tilfellet på Hiskjo trur eg det var snakk om timar før Kim Andre hadde teke opp tråden med kunden og avtalt synfaring.

Øystein Østensen skryt over dialogen og profesjonaliteten i prosjektet. Han dreg også fram det positive med å forhalda seg til éin byggeleiar som koordinerer med elektro, røyr, måling og interiør.

- Eg er svært nøgd så langt. Eg har fått god oppfølging og har blitt godt ivareteke heile vegen. Det har vore ein fin og ryddig prosess. No gler eg meg til å gå sommaren i møte på ei nyoppussa hytte langt uti havgapet, smiler han.