Sertifisert hjulutrustingsverkstad:
- Har fått større heilheit i det me leverer til kundane våre
Ibrahim Muhammed Alibrahim er lærling innan hjulutrustingsfaget, og har innhaldsrike dagar på jobb.
Saman med fagansvarleg Odd Mirko Majic oppmodar han alle til å ta ein ekstra sjekk på bremser, dekk og hjul før ein legg ut på langtur i sommar.
Frå verkstaden til Stord Dekkservice høyrest lyden av boltar som blir skrudd på plass. Trykkluftkompressoren går varm, og i verkstaden er det ein munter tone. Ein lastebilsjåfør slår av ein prat medan han ventar på ferdigstilling av dekkskift. Ibrahim Muhammed Alibrahim smiler under høyrevernet. Han er lærling i hjulutrustingsfaget hos Stord Dekkservice, og fortel om travle og innhaldsrike dagar på jobb.
- Eg elskar jobben min her! Ingen dagar er like, og det er både utfordrande og kjekt.
Ibrahim Muhammed Alibrahim er lærling innan hjulutrustingsfaget.
Ibrahim Muhammed Alibrahim er lærling innan hjulutrustingsfaget.
Ibrahim Muhammed Alibrahim er lærling innan hjulutrustingsfaget.
DET ER SNART eitt år sidan Ibrahim starta som lærling i hjulutrustingsfaget. Med ei grunnleggjande interesse for bil, er dette midt i blinken for ungguten.
- Eg var utplassert i praksisperiode her då eg gjekk på skulen, og hadde deretter sommarjobb i verkstaden. Allereie då treivst eg godt, og blei difor veldig glad då eg fekk tilbod om læreplass. For min del betyr fagbrevet at eg har fleire moglegheiter, og at eg har ein god fagleg tyngde i botn, seier han.
John William Gundersen er dagleg leiar for Stord Dekkservice. Han fortel om eit godt samarbeid med yrkesskulen, både for utplassering og læreplass.
- Me har hatt ein god dialog heile vegen, og dei har sendt oss kandidatar som kunne vera aktuelle. Me er strålande nøgde med arbeidet Ibrahim utfører, og er glad han takka ja til plassen. For vår del betyr det at me har fått ein større totalitet på verkstaden, og det er me nøgde med.
SOM SERTIFISERT HJULUTRUSTINGSVERKSTAD har Stord Dekkservice svært god kompetanse til å hjelpa deg med alt innan hjul, bremser, dekk og felg.
- At me har fått sertifisering, blitt godkjent lærebedrift og fått inn ein lærling, betyr at det blir ein større heilheit i det me leverer til kundane. No kan me tilby alt frå dekkskifte og dekkhotell til hjulkontrollar og byte av bremser, forklarar Odd Mirko Majic.
Han er fagleg leiar, og har fagansvaret for Ibrahim.
- I byrjinga var eg tett på Ibrahim heile tida, men no jobbar han meir sjølvstendig. Eg heng framleis over skuldra hans og vegleiar, men han er komen langt og er veldig lærevillig, skryt han.
- Odd er ein god læremeister, og resten av kollegaene mine er alltid opne for at eg kan koma med spørsmål dersom det er noko eg er usikker på, eller vil læra meir om. Det set eg pris på, smiler Ibrahim.
SOM LÆRLING I hjulutrustingsfaget lærer Ibrahim å feilsøka, skifta og reparera hjulutrusting, hjuloppheng og bremser. Han lærer seg reparasjon av dekk og utskifting av dekk og felg – og variasjonen passar han midt i blinken.
- Det kjekkaste er at arbeidet er så variert! Eg kan jobba i verkstaden, før eg går inn i butikken eller på dekkhotellet. Det er alltid nye oppgåver og utfordringar, noko som gjer at eg får jobba med mykje forskjellig i løpet av ein dag. Det kan vera alt frå personbilar og tilhengar, til større køyretøy. Det er alltid ei utfordring å bryna seg på.
Arbeidsmiljøet er ein anna faktor som er avgjerande for trivselen hans.
- Her jobbar det folk med fleire ulike nasjonalitetar og bakgrunnar. Det er flott, og me er ein god gjeng. Me har det kjekt på jobb saman, ler og tøysar. Det gjer at eg gler meg til å gå på jobb kvar dag, og arbeidsdagen er over på eit blunk. Det er vel eit godt teikn?
I SOMMAR ER det mange som skal på bilferie. Ibrahim og Odd oppmodar alle til å stikka innom for ein sjekk før ein legg ut på langtur.
- Det er utruleg keisamt om det skulle skje noko med bilen når ein er på ferie. Ekstra kjipt er det om det enkelt kunne vore unngått.
Hos Stord Dekkservice får du time på dagen, og du kan enkelt bestilla time via nettsida.
- Me gjer jobben for deg, medan du kan sitja uforstyrra i butikken vår og venta. Her har me dagens aviser, gratis kaffi, ladestasjon til PC/mobil og trådlaust internett, seier Odd.
Det hender at kontrollen avdekker andre ting.
- Det kan vera rust, feilstilling eller andre feil og manglar. Me kan retta opp i det direkte, så sant me har delar på lager. Uansett gjer me aldri noko utan å snakka med deg som kunde først, understrekar han.
ER DU EIN AV DEI som framleis køyrer rundt med vinterdekk? Det kan få store konsekvensar.
- Det er ikkje forbod mot å bruka vinterdekk heile året. Diverre, seier Odd. – Men personleg skulle eg ynskja at det kom eit forbod. Folk er ikkje klar over risikoen det medfører å køyra på vinterdekk om sommaren. Du set både di eiga og andre sin sikkerheit i fare om du ikkje byter til sommardekk.
Årsaka er at mønsteret og gummiblandinga er ulik på vinterdekk og sommardekk. Dermed aukar bremselengda betrakteleg når vinterdekka blir brukt om sommaren, spesielt på vått underlag. Gummien på vinterdekka er ikkje laga for å tåla temperaturar over 10 grader.
Det fører til at bremselengda fort kan bli dobla samanlikna med sommardekk.
- Gummien blir mjuk og meir føyeleg. Det utgjer ein stor risiko. Hugs at anbefalt mønsterdjupne er 3 mm, understrekar han.
OM DU IKKJE har sommardekk å byta til, kan gjengen hos Stord Dekkservice hjelpa deg.
- Val av rett sommardekk avhenger både av biltype, køyrestil og forventningar. Me har lang erfaring og kunnskap som kjem deg til gode, og me vil alltid anbefala det dekket som er best for deg og din bil, understrekar Odd.
Når du skiftar, kan du sjekke dekka dine inn på dekkhotell. Per i dag har Stord Dekkservice rundt 5000 hjul innlosjert. Her blir dekk og felg vaska før lagring, og oppbevaringa skjer under korrekte forhold.
- Me kontrollerer dekk og felg, og sjekkar at mønsterdjupna er tilstrekkeleg for å tola ein ny sesong. Må noko utbetrast, får du beskjed i god tid, forklarar Odd.
Saman med Ibrahim står han klar til å hjelpa kundane.
- Det er berre å bestilla time og koma innom, så hjelper me deg!
Timebestilling på nett!
www.stord-dekkservice.no
Opningstider
Mån - fre: 0730 - 1630
24/7 vakttelefon
53 41 51 75 / 995 30 735
post@stord-dekkservice.no
OM ANNONSØRINNHALDET FRÅ PM VEST
Innhaldet i denne artikkelen er ikkje skrive av redaksjonen, men av marknadsavdelinga til PM Vest.
Me er opptekne av eit tydeleg skille mellom redaksjonelt og kommersielt innhald. Annonsørinnhaldet frå PM Vest blir difor merka tydeleg, slik at lesaren kan oppfatta at innhaldet er betalt for og produsert i samarbeid med ein annonsør. Om du opplever at denne eller andre annonser er utydelege, gi oss gjerne beskjed på epost.
Synest du denne type artiklar ser spanande ut?
Ta kontakt så hjelper me deg gjerne!
© Copyright Polaris Media Vest
Built with Shorthand