Frå kjøkkendraum til verkelegheit

Kjøkkenet er hjarta i huset og eit naturleg samlingspunkt som skal dekka mange ulike funksjonar.

- Kjøkkenet er kanskje det viktigaste rommet i huset. Nettopp difor er det viktig å finna eit kjøkken som speglar behova ein har, seier Snefrid Vikanes, kjøkkenspesialist hos Montér Stord.

I den flotte butikken på Heiane møter Snefrid Vikanes og kollegaene kundar som ønskjer hjelp til å skapa draumekjøkkenet.

I kjøkkenutstillinga kan ein koma for inspirasjon: Åtte ulike kjøkkenkrokar er stilfullt innreidd med ulike fargepalett og små detaljar som set prikken over i-en.

- Målet er at ein skal koma hit med kjøkkendraumen og få idear. Det ligg mange tankar og mykje innsats bak eit nytt kjøkken, så me legg til rette for at kundane skal få ein god start på vegen frå draum til verkelegheit, smiler Vikanes.

Løysingar for ein kvar smak

Planløysing og utforming av rommet har mykje å seia for kva kjøkkenløysing ein bør velja.

- Kjøkken er ei investering og ein endrar ikkje kjøkken annakvart år. Difor er det viktig at ein skapar eit rom som held seg i fleire tiår - både når det gjeld løysingar, funksjonalitet og design, seier Gro Ludvigsen Bjellebø.

- Kundane våre er opptekne av miljø og berekraft og me ser at kvalitet og godt handverk er viktig for folk. Når ein vel kjøkken frå AUBO så kan ein vera trygg på at ein får eit kjøkken som held svært høg kvalitet.

AUBO har 25 års garanti på bevegelege delar, og store delar av sortimentet er dokumentert i forhold til ein av verdas leiande miljøsertifiseringar, BREEAM.

- BREEAM har stort fokus på rett material og miljøvenlege komponentar i alle kjerneområda av innkjøp og produksjon.

Mitt beste råd er å tenka på seg sjølv i prosessen. Ikkje bry deg om kva som trendar, verken av fargar eller stil. Tenk heller godt gjennom kva behov du har og kva som er viktig for deg. Skap eit allrom som opnar for samvær og nærleik i ein travel kvardag, eit samlingspunkt for heile familien. Nettopp difor er det viktig å ha eit kjøkken der ein trivst. Ei god utforming på kjøkkenet gjer det også kjekkare å laga mat, smiler Vikanes.

Skap- og benkeplass får ein sjeldan nok av.

- Målet er å utnytta arealet maksimalt utan at det verkar trongt eller overfylt. Behovet avhenger av både livsstil og livssituasjon.

Det å ha nokon som har auga både for heilskap og detaljar opplever Vikanes at kundane set stor pris på.

- Me som jobbar på kjøkkenavdelinga er også interiørkonsulentar og bidreg gjerne til å skapa gode og personlege løysingar for kundane våre, smiler ho.