Investerer i ei teknologisk framtid

Salt Ship Design har investert store summar i nye IT-løysingar. Eit tett samarbeid med teknologiselskapet Atea har gitt dei skreddarsydde løysingar.

Frode Marton Meling er IT-sjef for 120 personar i Noreg, Polen og Serbia. Salt Ship Design er ein av verdas største aktørar innan skipsdesign, og for den framoverlente bedrifta er det ei sjølfølgje at kommunikasjonen skal gå saumlaust på tvers av landegrensene.

- Me nyttar den beste tilgjengelege teknologien i kvardagen vår. Hos oss kombinerer marinearkitektar og marineingeniørar erfaring og kunnskap for å utvikla og levera design og dokumentasjon som trengst for å bygga fartøy, seier Meling.

- Det er kritisk for oss å ha høgast mogleg oppetid. Alle skal vera online, og data skal vera tilgjengeleg for alle som jobbar i selskapet. Då treng me leverandørar som kan gi oss det aller beste innan IT.

SALT SHIP DESIGN har nedslagsfelt og leverer skipsdesign for ei rekke reiarar og aktørar innan den maritime bransjen. Dei seinaste åra har bedrifta vunne mange kontraktar som sikrar dei leveransar på alt frå prosessbåtar og brønnbåtar til fartøy innan havvind og offshore.

Den suksessrike bedrifta har pussa opp det karakteristiske bygget sitt på Sunnhordlandskaien på Leirvik, der mellom anna ni ulike møterom skal vera ein god base for flange planleggingsmøte saman med kundar frå heile verda.

I tillegg har dei investert millionar i ein splitter ny serverpark, for optimal yting i kvardagen for alle dei tilsette.

- Me har investert i nye serverparkar i alle dei tre landa våre, og det er Atea som har levert det same i alle land, forklarar Meling.

- For oss er det svært viktig å ha ei felles digital plattform innad i bedrifta som gir oss stor fleksibilitet.

Meling understrekar at kvardagen er heildigital, noko som stiller strenge krav både til teknologien, sikkerheita og bruken.

- Me jobbar med mange tunge program som krev store ressursar. Me skreddarsyr design og løysingar for reiarar, og jobbar til dømes med teikningar av båtar som alle prosjektinvolverte skal kunna vera oppdaterte på. Det gir ein del utfordringar i forhold til IT, sikkerheit og nettverk. Med løysinga som Atea har levert, ser me fram til ein enklare digital kvardag.

NÅR EIN SKAL INVESTERA i nye servertenester, er det viktig å ta stilling til kor ein skal vera.

Skal ein ha serveren inhouse i eigen serverpark, eller skal ein flytta alt opp i skya?

Framtidsretta verksemder føretrekker gjerne digitale skyløysingar. Fleksibilitet, effektivitet, prosesseringskraft og brukarvenlegheit bidreg til produktivitet og innovasjonsevne.

- Samstundes er det jo eit spørsmål frå mange bedrifter som er bekymra for om dei har nok kontroll på IT-sikkerheita i skya, seier Kvernenes.

Salt Ship Design har mykje av infrastrukturen sin i skya, men er også avhengige av gode løysingar på kontora. Difor køyrer dei ei hybrid løysing enn så lenge.

- Investeringa me no gjer, er fordi me veit at det fortsatt vil gå nokre år før me alle tenester kan kunna køyra i skya.

Meling fortel at datasikkerheit er noko dei jobbar kontinuerleg med.

- Saman med Atea har me gjort ei rekke tiltak for å betra sikkerheita vår. Me er godt sikra i dag, men dette er ein kontinuerleg forbetringsprosess som alle selskap/firma må ha høgt på agendaen, ikkje berre internt i IT-avdelingane. Sikkerheita er aldri betre enn det svakaste leddet, avsluttar Meling.